პირველ სხდომებზე კრებამ აირჩია პრეზიდიუმის შემადგენლობა, რომელიც უცვლელად მუშაობდა 1920 წლამდე, პირველი სესიის ბოლომდე:
დამფუძნებელი კრების თავმჯდომარე
▲ ნიკოლოზ (კარლო) სიმონის ძე ჩხეიძე (სოციალ-დემოკრატიული მუშათა პარტია).
თავმჯდომარის ამხანაგები:
▲ ალექსანდრე სპირიდონის ძე ლომთათიძე (სოციალ-დემოკრატიული მუშათა პარტია);
▲ სიმონ გურგენის ძე მდივანი (სოციალისტ-ფედერალისტთა სარევოლუციო პარტია);
▲ ექვთიმე სიმონის ძე თაყაიშვილი (ეროვნულ-დემოკრატიული პარტია);
▲ გრიგოლ იასონის ძე ნათაძე (სოციალისტ-რევოლუციონერთა პარტია).
▲ უფროსი მდივანი - კონსტანტინე იასონის ძე ჯაფარიძე (სოციალ-დემოკრატიული მუშათა პარტია);
▲ უმცროსი მდივანი - ქრისტინე (ჩიტო) გიორგის ასული შარაშიძე (სოციალ-დემოკრატიული მუშათა პარტია).
პირველი სესიის ბოლოს, მომდევნო სესიისათვის განახლებული პრეზიდიუმის არჩევნებისას, სოციალისტ-რევოლუციონერებს დამფუძნებელი კრების თავმჯდომარის ამხანაგის კანდიდატურა აღარ წამოუყენებიათ. კრებამ ხელახლა აირჩია პრეზიდიუმის იგივე შემადგენლობა გრიგოლ ნათაძის გამოკლებით.