მოსე (მოშე) რახამის ძე დავარაშვილი (მოშე ჰა კატანი) დაიბადა 1893 წელს, ტფილისის გუბერნიის, გორის მაზრის დაბა ცხინვალში; ეროვნებით ებრაელი.

მიიღო სასულიერო განათლება რაბი ხაფეც-ხაიმთან რადინის იეშივაში.

თალმუდისტი.

უმაღლესი განათლება მიიღო ქალაქ ვილნოში (დღევანდელი ვილნიუსი)

პროფესიით პედაგოგი.

1910-იანი წლებიდან ცხოვრობდა ქალაქ ქუთაისში და აქტიურად იყო ჩაბმული ადგილობრივი ებრაული თემის საზოგადოებრივ და კულტურულ საქმიანობაში.

იყო რუსეთის სოციალ-დემოკრატიული მუშათა პარტიის „მენშევიკების ფრაქციის“ წევრი.

1918 წლის განმავლობაში იყო საქართველოს დემოკრატიული რესპუბლიკის პარლამენტის წევრი.

1919 წლის 12 მარტიდან არჩეული იყო საქართველოს რესპუბლიკის დამფუძნებელი კრების წევრად საქართველოს სოციალ-დემოკრატიული მუშათა პარტიის სიით; იყო გზათა და სახალხო განათლების კომისიების წევრი.

1970 წელს საცხოვრებლად გადასახლდა ისრაელში; იყო ისრაელში მცხოვრებ ქართველ ებრაელთა სულიერი ლიდერი.

მისი ხელმძღვანელობით ქართული შრიფტით დაიბეჭდა ლოცვანი „თეფილათ ახიმ“ (ძმების ლოცვა).

გარდაიცვალა 1980 წელს, იერუსალიმში.

წყაროები:

საქართველოს ეროვნული არქივი, ცენტრალური საისტორიო არქივი, ფონდი #1836, ანაწერი #1, საქმე #108; საქმე #109; ფონდი #1833, ანაწერი #1, საქმე #155; საქმე #157; საქმე #187; საქმე #1382.

ებრაული ენციკლოპედია (რუსულ ენაზე): http://www.rujen.ru/index.php/%D0%94%D0%90%D0%92%D0%90%D0%A0%D0%90%D0%A8%D0%92%D0%98%D0%9B%D0%98_%D0%9C%D0%BE%D1%88%D0%B5_%D0%A0%D0%B0%D1%85%D0%B0%D0%BC%D0%B8%D0%BC%D0%BE%D0%B2%D0%B8%D1%87

ფოტო: „საბჭოთა წარსულის კვლევის ლაბორატორია“, საზოგადოებრივი არქივი, რახამ დავარაშვილის კოლექცია.